ထိုင်းတွင် ကျားမွေးထားသည့် ကျောင်းထိုင်ဆရာတော် ကျားကိုက်ခံရ

ထိုင်းနိုင်ငံ ကန်ချနဘူရီ ခရိုင်က ကျားတွေမွေးထားတဲ့ ၀ပ်ပါလောင်တဘူ ဘုန်းကြီးကျောင်းက ကျောင်းထိုင်ဆရာတော် မျက်နှာကို ကျားက ကုတ်ခဲ့သလို လက်ကိုလည်း ကျားက ကိုက်ခဲ့ပါတယ်။

ဆရာတော်ရဲ့ မျက်နှာကို ကျားက ကုတ်ခဲ့တဲ့အတွက် နဖူးကနေ ပါးစပ်အကြားမှာ ဒဏ်ရာရခဲ့သလို ညာဘက်လက်ကိုလည်း ကိုက်ခဲ့တယ်လို့ ထိုင်းသတင်းတွေမှာ ရေးပါတယ်။

ဒီအတွက် ဆိုးဆိုးဝါးဝါး ဒဏ်ရာရခဲ့သလို ၄ နာရီကျော်ကြာမြင့်တဲ့ ခွဲစိတ်ကုသမှုကို ခံရမယ်လို့ ဆိုပါတယ်။

မတ် ၂၃ ရက် နေလယ်ပိုင်းက ဆရာတော်က ၇-၈ နှစ် အရွယ်ရှိတဲ့ ကျားအထီးကို သူနဲ့ အတူ လမ်းလျောက်ဖို့အတွက် ကြိုးနဲ့ ဆွဲယူဖို့ကြိုးစားရာမှာ တိုက်ခိုက်ခံရတာလည်း ဖြစ်ပါတယ်။

လည်ပင်းမှာ ပတ်ထားတဲ့ ကြိုးကိုဆွဲဖို့ ကြိုးစားရာမှာ ကျားက ကြောက်တဲ့အတွက် တိုက်ခိုက်ခဲ့တာလို့ ဆိုပါတယ်။ ဆရာတော်ကို ဆေးရုံကို ပို့ထားပြီး ကုသမှုခံယူနေတယ်လို့ ဆိုပါတယ်။

ဒီဘုန်းကြီးကျောင်းမှာ ကျားတွေ အမြောက်အမြား မွေးမြူထားသလို ကျးတွေ ဘုန်းကြီးကျောင်းမှာ ဆက်လက်ထားရှိရေးအတွက် ထိုင်း တောရိုင်း တိရစ္ဆာန်နဲ့ အပင် ထိန်းသိမ်း စောင့်ရှောက်ရေးဌာနနဲ့ ထိပ်တိုက် ရင်ဆိုင်ခဲ့ပါတယ်။

ဒီဌာနက ရတ်ချနဘူရီက တောရိုင်းတိရစ္ဆာန်တွေ ထိန်းသိမ်းတဲ့ နေရာကို ပို့ဆောင်ဖို့ ကြိုးစားပေမယ့် ဘုန်းကြီးကျောင်းက ကန့်ကွက်ခဲ့ပါတယ်။ ကျားတွေက လူတွေနဲ့ ယဉ်ပါးပြီး အန္တရာယ်မပြုနိုင်ဘူးလို့ ဘုန်းကြီးကျောင်းက ပြောပါတယ်။

ဧပြီ ၂၄ ရက်မှာ ကျားတွေကို ကျောင်းမှာပဲ ဆက်လက် ထိန်းသိမ်းခွင့်ပေးဖို့ သဘောတူညီခဲ့ပါတယ်။

ဒီကျောင်းမှာ မွေးထားတဲ့ ကျားတွေကြောင့် နိုင်ငံခြားသား ခရီးသွားတွေ ဆွဲဆောင်နိုင်တဲ့ နေရာ တခုဖြစ်သလို တရက်ကို ၃၀၀ လောက်လာရောက် လည်ပတ်ကြပါတယ်။

ဒီနှစ်အစောပိုင်းက သြစတြေးလျ ခရီးသွားတဦးကို ကျားက တိုက်ခိုက်ခဲ့တဲ့အတွက် ခွဲစိတ်ကုသခံခဲ့ရပါတယ်။

 By ဒီဗွီဘီ
http://burmese.dvb.no
ဓာတ်ပုံ – အေအက်ဖ်ပီ