အိမ်ပြန်လမ်းနန့် ကိုတံငါ

အိမ်ပြန်လမ်းနန့် ကိုတံငါ
******************
နှစ်ကုန်ရာသီ ဂြိုးသံအအီနန့်(ချိုး)
မိုးရွာနီပူ သူမမူပဲ
လှော်တက်တခု သူအားပြုပျာ
အသက်မွီးသူပါ "ကိုတံငါ"။ ။
ဖြုတ်၊မှက်၊ခြင်ရန် အံတုကန်လို့
ပမ်းရိပ်အတွေး သူမဆွေးအား
လောကနိ့စိုင် သူဖြတ်နှိုင်ယောင်
လှော်တက်ကိုခဲ ညည့်နက်ထဲဒို့
တိုးလျှောက်ခသူပါ ကိုတံငါ။ ။ နွီးထွီးဖော်မူ ချစ်အိမ်သူနန့်
စောင့်နီကြိုဖို့ သမီးသားရို့
ဒေတနီဟောင်း ခေတ်မပြောင်းခင်
နှစ်သစ်ကူးပွဲ တူပျော်နွဲခါ
အပြုံ့ပန်းဂင့် မာန်တတင့်ချေနန့်
တ၀မ်းတပြ ခါးဝတ်လှစီကြောင်း
ဆန္ဒတခု ဧဂုစုပျာ
အိမ်အပြန်ပျော် အတွေးဖော်မိရေ
ကိုတံငါ....
အားစိုက်လှော်မိ ရင်ထထိနန့်
အိမ်ပြန်လာယာ ၀မ်းမြောက်စွာ.......။
By ; မိုးလွင်(ကျွန်းသူမချေ)
(1.3.2015)
(ဒေ ဓာတ်ပုံချေကို မြင်မိလို့ အိမ်အပြန် တံငါမိသားစုအတွက် ခံစားရီးဖွဲ့ပါသည်။ photo credit by: kyaukphyu youth net)