ရခိုင်မြောက်ပိုင်း ရေကြီးပြီး လူတွေသောင်းနဲ့ချီ ထွက်ပြေးနေရ

 ရခိုင်ပြည်နယ်ထဲမှာ ကိုမန် ဆိုင်ကလုန်း မုန်တိုင်း ဒဏ်ကြောင့် မိုးတွေ အဆက်မပြတ် ရွာသွန်းနေပြီး အနှစ် ၅၀ အတွင်း အဆိုးရွားဆုံး ရေကြီးမှု ဖြစ်ပွားနေကာ အနည်းဆုံး လူ ၆ ဦးသေဆုံး ခဲ့ရပါတယ်။

လူ တွေ သောင်းနဲ့ ချီပြီးတော့ လည်း ဘေးလွတ်ရာ ကို ရွှေ့ပြောင်း နေရပါတယ်။

မုန်တိုင်း မဝင်ခင် ကတည်းကလည်း ရခိုင် မြောက်ပိုင်းက မြို့တွေမှာ မိုးသည်း ပြီး ရေကြီးနေခဲ့တာ ဖြစ်ပါတယ်။

ဇူလိုင် ၃၀ ရက် နေ့က ကိုမန် ဆိုင်ကလုန်း ထပ်ဆင့်လာတဲ့ နောက်မှာတော့ နောက်ထပ် ရေတွေ ထပ်တက်လာပြန်ပြီး ဒေသခံတွေဟာ မိမိတို့ရဲ့ အိုးအိမ် တွေကို စွန့်ခွာ ထွက်ပြေးကြရတာ ဖြစ်ပါတယ်။

ပုဏ္ဍားကျွန်း မြို့နယ် နာရီကန် ကျေးရွာမှာ ခရစ်ယာန် ကျောင်းဆရာမ တစ်ဦး ရေနစ် သေဆုံးခဲ့ရသလို မြောက်ဦး မြို့မှာ လူ လေးဦး နဲ့ ကျောက်တော်မှာ တစ်ဦး သေဆုံးခဲ့တယ် လို့ သိရပါတယ်။
ဝါဆို လပြည့် လည်း ဖြစ်ပြန် လို့ ပင်လယ် ဒီရေတွေ ဝင်ရောက် ပြန်တဲ့အတွက် ပြည်နယ်တွင်း ကုလားတန် မြစ်နဲ့ ရာမောင် မြစ်တို့မှာ စိုးရိမ်ရေမှတ် ကျော်လွန် ပြီး မြို့ရွာ တွေ ရေမြုပ် နေရ ကြောင်း ကို ပြည်နယ် အထွေထွေ အုပ်ချုပ်ရေးမှူး ဦးတင်မောင်ဆွေ က ဘီဘီစီ ကို အတည်ပြု ပြောကြားပါတယ်။

အာဏာပိုင် တွေ အနေနဲ့ ကယ်ဆယ်ရေး တွေ လုပ်ဆောင် ဖို့ စက်လှေ တွေ မရှိ ဖြစ် နေပြီး မြောက်ဦး မြို့ ပေါ် က ဘုရား တွေ၊ ဘုန်းတော်ကြီး ကျောင်း တွေ နဲ့ စာသင်ကျောင်း တွေ မှာ ရေဘေး ဒုက္ခသည် တွေ နဲ့ ပြည့်ကြပ် နေတယ် လို့ မြောက်ဦး မြို့ပေါ်က ဆရာတော် တစ်ပါး က ဘီဘီစီ ကို မိန့်ပါတယ်။

မင်းပြား မြို့မှာလည်း ရေတွေ ဇူလိုင် ၃၁ ရက် နေ့ မှာ ပို မြင့်တက် လာခဲ့ပြီး ပတ်ဝန်းကျင် ကျေးရွာ အတော် များများ ရွာလုံး ကျွတ် နစ်မြုပ် နေတာ တွေ ရှိပါတယ်။

စက်လှေတွေ နဲ့ သွားရောက် ကယ်ဆယ်တာ မျိုး တွေ ရှိပေမယ့် ရေစီးသန် လွန်း နေလို့ ဝေးလံတဲ့ ကျေးရွာတွေ အထိ တော့ ကယ်တင်ဖို့ရာ မတတ်နိုင် ဖြစ်နေကြ တယ် ဆိုပြီး ဒေသခံ တွေ က ပြောပါတယ်။

မင်းပြားမြို့နယ် ဆေးရုံလည်း ရေလွှမ်း ခံရလို့ လူနာတွေကို ဘေးလွတ်ရာ ရွှေ့ပြောင်း ပေးခဲ့ရပါတယ်။

ရေကြီး ရာ ဒေသတွေ မှာ လမ်းပန်း ဆက်သွယ်ရေး တွေ ပြတ်တောက် နေပြီး ကယ်ဆယ်ရေး ပစ္စည်းတွေ မရောက်နိုင် ဖြစ်နေ တဲ့ အတွက် ဆက်ပြီး တော့ သာ မိုးရွာ ရေကြီး နေဦးမယ် ဆိုရင် အခု ထက်မက အခက်အခဲတွေ နဲ့ ရင်ဆိုင် ရနိုင်ပါတယ်။

BBC Burmese
http://www.bbc.com/burmese