စိုက်ပျိုးစရိတ် ချေးငွေထုတ်ယူရာတွင် အကြောင်းအမျိုးမျိုးပြ ငွေဖြတ်ယူမှု/ ကောက်ခံမှုများ ရှိနေ၍ သက်ဆိုင်ရာမှ အမြန်စစ်ဆေးစေလို
|
12:30:00 |
No comments |
ရခိုင်ပြည်နယ်အတွင်းမှ မြို့နယ် အချို့တွင် လယ်သမားများအား စိုက်ပျိုး စရိတ် ချေးငွေ ထုတ်ပေးရာ၌ အကြောင်းအမျိုးပြပြီး ငွေဖြတ်ယူမှုနှင့် ကောက်ခံနေမှုများ ရှိနေသဖြင့် သက်ဆိုင်ရာ တာဝန်ရှိသူများ အနေဖြင့် ၎င်းငွေကောက်ခံမှုမှာ တရားဝင် ဟုတ်/ မဟုတ် ကို အမြန်ဆုံး စစ်ဆေးပေးရန် လယ်သမားများက တောင်းဆိုလိုက်သည်။
ထောက်ခံစာလုပ်ရန်အတွက် မြေတိုင်းစာရေးများကို လက်မှတ်ထိုးခ ၂၀၀၀၀ိ/ ကျပ်၊ ဘဏ်မန်နေဂျာကို ငွေထုတ်ရန် ၁၅၀၀၀ိ/ ကျပ်၊ ကျေးရွာ စာရေးများကို စာရင်းဇယား ၂၅၀၀ိ/ ကျပ်၊ ကျေးရွာအုပ်ချုပ်ရေးမှူးကို ၅၀၀၀ ကျပ် စသဖြင့် ပေးဆောင်နေကြရသည်ဟု ဆိုသည်။
"လယ်သမားတွေက အခက်အခဲအမျိုးမျိုးကြောင်း ငွေချေးယူကြတာပါ။ အရမ်း လိုအပ်လို့ ငွေချေးကြတာမှာ လယ်သမားတစ်ဦးစီဆီက ငါးထောင် ကျပ်စီ ကျေးရွာအုပ်ချုပ်ရေးမှူးက ဖြတ်ခိုင်းတယ် ပြောပြီးတော့ ရယကစာရေးက ဖြတ်ယူတာပါ။ လယ်သမားအားလုံး အယောက် ၅၀ ကျော် ၆၀ လောက်ရှိပါတယ်။ စရိတ်လို့တော့ ပြောပါတယ်။ ဘာစရိတ် ဆိုတာတော့ သေချာမပြောပါဘူး။ ဒီကိစ္စကို တာဝန်ရှိသူတွေ သေချာ စစ်ဆေးပေးစေချင်ပါတယ်"ဟု ဘူးသီးတောင်မြို့နယ် စပါးထားကျေးရွာမှ လယ်သမားတစ်ဦးက နိရဉ္စရာ သတင်းဌာနသို့ ပြောသည်။
မြောက်ဦးမြို့မှ လယ်သမား တစ်ဦးက"တောင်သူလယ်သမားတွေ ဖွံ့ဖြိုး တိုးတက်လာဖို့ နိုင်ငံတော်ကတော့ ငွေချေးပေးပါတယ်။ ဒါပေမယ့် စိုက်ဘဏ်က ငွေထုတ်ဖို့ ထောက်ခံစာ လုပ်ရာမှာ မြေတိုင်းစာရေးတွေကို လယ်သမား တစ်ဦးဆီက လက်မှတ်ထိုးခ ငွေ၂၀၀၀၀ိ/ ကျပ်နဲ့ ဘဏ်မန်နေဂျာကို ငွေ၁၅၀၀၀ိ/ ကျပ်စီ ပေးသွင်းရပါတယ်။ ပြီးတော့ စာရေးတွေကလည်း စာရင်းဇယာတွေလုပ်ခဆိုပြီး လယ်သမား တစ်ဦးစီကနေ ငွေ ၂၅၀၀ိ/ ကျပ်စီဖြတ်ယူပါတယ်"ဟု နိရဉ္စရာသို့ ဆိုသည်။
ထို့အပြင် လယ်ထွန်ဖို့ ငွေအမြန်ထုတ်ယူလိုသည့် လယ်သမားများ ထံမှလည်း ငွေကြေး အချို့ပေးရကြောင်း ချေးငွေထုတ်ယူခဲ့သည့် လယ်သမားများကဆိုသည်။
ရခိုင်ပြည်နယ်အတွက် ၂၀၁၅-၂၀၁၆ ဘဏ္ဍာရေးတွင် တောင်သူလယ်သမားများအား တစ်ဧကလျှင် တစ်သိန်းနှုန်းဖြင့် စိုက်ပျိုးစရိတ်ချေးငွေ ၅၀ ဘီလီယံခန့်ထုတ်ချေးခဲ့ကာ ယခုနှစ်တွင် တစ်ဧကလျှင် တစ်သိန်းခွဲနှုန်းဖြင့် ထုတ်ချေးပေးကြောင်း သိရသည်။
အဆိုပါငွေကြေး ဖြတ်ယူမှုများအတွက် စပါးထားကျေးရွာ ရယကစာရေး ကိုမောင်ဝင်းသိန်းအား အကြိမ်ကြိမ်ဆက်သွယ်ရာ ဖုန်းပိတ်ထားပြီး ကျေးရွာအုပ်ချုပ်ရေးမှူး ဦးကျော်ဘ ကမူ ဖုန်းဝင်သော်လည်း လက်ခံပြောဆိုဖြေကြာမှုမရှိပေ။
ကောင်းမြတ်နိုင်(မောင်တော)
Narinjara
https://www.facebook.com/Narinjara....
0 comments:
Post a Comment