စွန့်ပယ်ခံ မြန်မာကလေး ၆၉ ဦးကို ကူညီဖို့ ထိုင်း အဖွဲ့အစည်း တိုက်တွန်း
|
12:46:00 |
No comments |
ထိုင်းနိုင်ငံ တာ့ခ်ခရိုင် မဲဆောက် မြို့မှာ ရှိတဲ့ SAW (Social Action Women) အမျိုးသမီးများ လူမှု လှုပ်ရှားမှု အဖွဲ့က စောင့်ရှောက် ထားတဲ့ စွန့်ပယ်ခံ မြန်မာကလေး ၆၉ ယောက် အတွက် တရားဝင် နေထိုင်ခွင့် ပေးဖို့ ထိုင်းနိုင်ငံ အမျိုးသား လူ့အခွင့် အရေး ကော်မရှင် NHRC ဆပ်ကော်မတီ ဥက္ကဌ Surapol က ထိုင်း အစိုးရကို တိုက်တွန်း လိုက်ပါတယ်။
တိုင်းရင်းသား လူနည်းစု တွေနဲ့ နိုင်ငံမဲ့ သူများ ဆိုင်ရာ NHRC ဆပ်ကော်မတီ ဥက္ကဌနဲ့ အဖွဲ့ဟာ မဲဆောက် မြို့နယ်မှာ SAW အဖွဲ့က ဖွင့်လှစ် ထားတဲ့ ရိပ်သာကို အလည် အပတ် သွားပြီးနောက်မှာ အဲ့ဒီလိုတိုက်တွန်း လိုက်တာပါ။
တရားဝင်နေထိုင်ခွင့်မရှိကြတဲ့ ဒီကလေးတွေအတွက် လူထုရဲ့အကူအညီကို SAW က မတောင်းခံနိုင်ဘူး၊ ဒါကြောင့် သက်ဆိုင်ရာ အစိုးရအဖွဲ့အစည်းတွေအနေနဲ့ ဒီကလေးတွေကို ချက်ချင်းအကူအညီပေးပါလို့ Mr. Surapol က တိုက်တွန်းပါတယ်။
SAW ဟာ နာမကျန်းဖြစ်နေတဲ့ အမျိုးသမီးတွေကိုလည်း ကူညီစောင့်ရှောက်ထားတဲ့အတွက် ဒီအဖွဲ့ကို ကူညီထောက်ပံ့နိုင်အောင် ဖောင်ဒေးရှင်းတစ်ခုထူထောင်ဖို့ ကြိုးစားမယ်လို့လည်း ပြောပါတယ်။
From : အာအက်ဖ်အေမြန်မာသတင်းဋ္ဌာန....
0 comments:
Post a Comment