ထိုင်းတနိုင်ငံလုံး လုပ်ငန်းခွင်များတွင် တရားမ၀င်အလုပ်သမား ကြပ်မတ်စစ်ဆေးမည်
|
21:07:00 |
No comments |
ခွင့်ပြုချက်မရှိဘဲ အလုပ်ဝင်ရောက်လုပ်ကိုင်နေတာတွေ့ရင် လက်ခံထားသူ အလုပ်ရှင်ဘက်က အလုပ်သမားတဦးအတွက် ဘတ်ငွေ ၁ သိန်းထက်မကျော်တဲ့ဒဏ်ငွေ၊ ရွှေ့ပြောင်းအလုပ်သမားဘက်က ၁ သိန်းထက်မကျော်တဲ့ ဒဏ်ငွေ ဒါမှမဟုတ် ၅ နှစ်ထက်မပိုတဲ့ ထောင်ဒဏ် ဒါမှမဟုတ် ထောင်ဒဏ်ရောငွေဒဏ် ၂ ရပ်လုံး ကျခံရမယ်လို့ အလုပ်သမားဝန်ကြီးဌာန ညွှန်ကြားရေးမှူး နိုင်းအာရပ် ဖရုန်းမနီးက ပြောပါတယ်။
ပြီးခဲ့တဲ့ ဇူလိုင် ၂၉ ရက်နေ့က ပန်းရောင်ကတ် လာရောက်သက်တမ်းတိုးသွားတဲ့ မြန်မာ၊ လော နဲ့ ကမ္ဘောဒီးယား က ရွှေ့ပြောင်းအလုပ်သမား စုစုပေါင်း ၁ သန်း နဲ့ ၁ သိန်းရှိကြောင်း၊ အမှန်မှာ
သက်တမ်းလာတိုးမယ့် သူဦးရေက ၁ သန်းနဲ့ ၃ သိန်းရှိမယ်လို့ ခန့်မှန်းထားကြောင်း၊ မည်သို့ဖြစ်စေကာမူ သက်တမ်းတိုးဖို့ရက် ထပ်တိုးပေးဖို့မရှိတော့သလို နောက်ထပ်လူသစ်တွေကို မှတ်ပုံတင်ပေးဖို့လည်း မရှိတော့ဘူးလို့ ညွှန်ချုပ်က ဆက်ပြောပါတယ်။
အခုချိန်ကစပြီး အိမ်နီးချင်းနိုင်ငံက အလုပ်သမားတွေကို အမ်အိုယူ (နှစ်နိုင်ငံသဘော တူမှုစာချွန်လွှာ)အရ အစိုးရမှ အစိုးရသို့ အလုပ်သမားစေလွှတ်မှုစနစ်နဲ့သာ ငှားရမ်းခန့် ထားတော့မှာဖြစ်ကြောင်း၊ အမ်အိုယူနဲ့ ၀င်ရောက်လာမယ့်အလုပ်သမားတွေဟာ ကြားပွဲစား တွေရဲ့ ခေါင်းပုံဖြတ်မှုနဲ့ အလုပ်ရှင်တွေရဲ့ အနိုင်ကျင့်မှုကနေ ကာကွယ်ဖို့ အလုပ်မလုပ်ခင် သင်တန်းအရင်တက်ရမှာဖြစ်တယ်လို့ ညွှန်ချုပ်က ပြောသွားပါတယ်။
....
0 comments:
Post a Comment