ပြည်သူကရွေးချယ်သည့် ဒီမိုကရေစီစနစ်အောင်မြင်စေလိုကြောင်း ကာချုပ်ပြောကြား
|
20:00:00 |
No comments |
တပ်မတော်အနေနဲ့ ပြည်သူကရွေးချယ်တဲ့ ဒီမိုကရေစီစနစ်အောင်မြင်စေလိုအကြောင်းနဲ့ တိုင်းပြည်တည်ငြိမ်အေးချမ်းပြီး ဖွံ့ဖြိုးတိုးတက်စေလိုတဲ့အကြောင်း တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားပါတယ်။
ဒီကနေ့မနက်က နေပြည်တော်ရှိ ဘုရင့်နောင်ရိပ်သာမှာ ဥရောပသမဂ္ဂအဖွဲ့ရုံးမှ သံအမတ်ကြီး ရိုလန်ကိုဘီယာ ဦးဆောင်တဲ့ ကိုယ်စားလှယ်အဖွဲ့အား လက်ခံတွေ့ဆုံပြောကြားခဲ့ တာလို့ တပ်မတော်က သတင်းထုတ်ပြန်ပါတယ်။
နိုင်ငံပြုပြင် ပြောင်းလဲမှုတွေမှာ အဓိကရင်ဆိုင်နေရတဲ့ အခက်အခဲမှာ ဒီမိုကရေစီ အတွေ့အကြုံအားနည်းပြီး ရင့်ကျက်မှုမရှိသေးတာဖြစ်တယ်၊ ဗဟိုဦးစီးစနစ်နဲ့ အုပ်ချုပ်ခဲ့တဲ့ နှစ် ၅၀ ကျော်၊ ၆၀ နီးပါး ကာလအတွင်း နိုင်ငံရေး၊ စီးပွားရေး၊ အုပ်ချုပ်ရေးနဲ့ ပုဂ္ဂိုလ်ရေးအရ ခံစားချက်ရှိခဲ့ကြတဲ့ လူပုဂ္ဂိုလ်တစ်ချို့နဲ့ နိုင်ငံရေးစနစ်နှစ်ခု အားပြိုင်မှုကြောင့်ရရှိလာတဲ့ ခံယူချက်ရှိသူတချို့ဟာ ယနေ့တိုင် အုပ်ချုပ်သူအစိုးရအပေါ် အတိုက်အခံ လုပ်ဆောင်နေကြတယ်လို့လည်း တပ်မတော်အကြီးအကဲက ပြောပါတယ်။
ဒါ့အပြင် မြန်မာနိုင်ငံဟာ ကိုလိုနီခတ်မှာ သွေးခွဲအုပ်ချုပ်မှုခံခဲ့ရတဲ့အတွက် လွတ်လပ်ရေးရရှိချိန်ကစပြီး ဖြစ်ပွားခဲ့တဲ့ တိုင်းရင်းသားတွေအကြား အထင်အမြင်လွဲမှားမှု အကျိုးဆက်တွေ ယနေ့ထက်တိုင်အစိုးရနဲ့ တပ်မတော်အပေါ် သက်ရောက်နေဆဲဖြစ်တယ်၊ တိုင်းရင်းသားလက်နက်ကိုင်ပဋိပက္ခ ချုပ်ငြိမ်းရေးကို မဖြစ်မနေလုပ်ဆောင်ဖို့ လိုအပ်တယ်လို့လည်း ဆိုပါတယ်။
ဒီတွေ့ဆုံရာပွဲမှာ မြန်မာနဲ့ အီးယူ တပ်မတော်နှစ်ရပ်အကြား ဆက်ဆံမှုကဏ္ဍသစ်ကို ဖွင့်လှစ်နိုင်ခဲ့မှု အခြေအနေတွေနဲ့ မြန်မာပြည် နိုင်ငံရေး၊ စီးပွားရေး၊ အုပ်ချုပ်ရေးနဲ့ တပ်မတော်ပိုင်းဆိုင်ရာ ပြုပြင်ပြောင်းလဲမှုအခြေအနေတွေကိုလည်း ဆွေးနွေးခဲ့ကြ ပါတယ်။
အဆိုပါတွေ့ဆုံပွဲကို ကာကွယ်ရေးဦးစီးချုပ်ရုံး(ကြည်း)မှာ ဗိုလ်ချုပ်ကြီး စိုးထွဋ် နဲ့ တပ်မတော်အရာရှိကြီးတွေနဲ့ ဥရောပသမဂ္ဂအဖွဲ့ရုံးက တာဝန်ရှိသူတွေ တက်ရောက်ခဲ့ကြတယ်လို့ တပ်မတော် သတင်းထုတ်ပြန်ချက်အရသိရပါတယ်။
ဓာတ်ပုံ-Cincds
0 comments:
Post a Comment