တရားမ၀င် မြန်မာလုပ်သား ၁၇၀၀ ကျော်ကို နေရပ်ပြန်ပို့
|
21:40:00 |
No comments |
 |
| ထိုင်းနိုင်ငံကနေ ပြန်လာတဲ့ မြန်မာရွှေ့ပြောင်းအလုပ်သမားတွေ မြဝတီ ကျောက်လုံးကြီးစခန်းကို ၂၀၁၇ ခုနှစ်၊ ဇူလိုင်လ ၃ ရက်နေ့က ရောက်ရှိလာခဲ့စဉ်/ Photo: Kyaw Lwin Oo/ RFA |
ထိုင်းအစိုးရရဲ့ စီမံချက်အရ ၃ ရက် အတွင်း ဖမ်းမိတဲ့ တရားမ၀င် မြန်မာအလုပ်သမား ၁၇၀၀ ကျော် ရှိတယ်လို့ အလုပ်သမားညွှန်ကြားရေးဦးစီးဌာန တာဝန်ရှိသူတစ်ဦးက ဒီနေ့ ပြောပါတယ်။
ထိုင်းနိုင်ငံကို တရားမ၀င် သွားရောက်နေထိုင်သူတွေရော၊ တရားဝင်သွားရောက်ပြီးမှ နေထိုင်ခွင့်သက်တမ်း မတိုးတာကြောင့် ရက်လွန်သွားတဲ့ အလုပ်သမားတွေလည်း ပါဝင်တယ်လို့ မြ၀တီမြို့နယ် အလုပ်သမားညွှန်ကြား ရေး ဦးစီးဌာန ညွှန်ကြားရေးမှူး ဦးတင်လှိုင် က ပြောပါတယ်။
"အဓိကကတော့ တဘက်နိုင်ငံမှာ လုပ်ကိုင်နေတဲ့ ရွာတွေ မြို့တွေကနေ သွားလုပ်နေတဲ့ အမျိုးတွေဆီကပေါ့ဗျာ။ အမျိုးတွေကနေ ချိတ်ဆက်ပြီးတော့ တရားမ၀င်လမ်းကြောင်းကနေ သွားတဲ့သူတွေလည်း ရှိတာပေါ့နော်။ MOU နဲ့သွားတဲ့သူ တချို့တွေက စာအုပ်သက်တမ်း မတိုးတာတို့ ၊ နေထိုင်ခွင့်မတိုးတာတို့ စာရွက်စာတမ်း အထောက် အထား မတိုးမိတာနဲ့ သူက တရားမ၀င်ဖြစ်သွားတာကိုး။ အဲ့လိုအနေထားမျိုးလည်း ရှိပါတယ်။ အဲ့ဒါကြောင့်မို့လို့ အထောက်အထားမဲ့ အလုပ်သမားနဲ့ တရားမ၀င်သွားတဲ့ အလုပ်သမားဖြစ်သွားကြတာပါ"
ဇူလိုင် ၁ ရက်နေ့ကနေ ၃ ရက်နေ့အထိ ဖမ်းမိတဲ့ မြန်မာလုပ်သား ၁၇၀၀ ကျော်ကို ထိုင်းအစိုးရက မြန်မာဘက်ကို ပြန်လွှဲပေးနေတယ်လို့ ဆိုပါတယ်။
တရားမ၀င်နေထိုင်တဲ့ နိုင်ငံခြားသားတွေကို ဇူလိုင် ၁ ရက်နေ့ကနေ စပြီး ဖမ်းဆီးနေတာဖြစ်ပါတယ်။
ဇူလိုင် ၁ ရက်မှာ ၇၀၀ ကျော်၊ ဇူလိုင် ၂ ရက်မှာ ၅၀၀ ကျော်နဲ့ ဇူလိုင် ၃ ရက်မှာတော့ ၅၀၀ လောက်ကို မြ၀တီမြို့နယ် အလုပ်သမားလက်ခံရေးစခန်းကို ထိုင်းဘက်က လွှဲပြောင်းပေးတယ်လို့ သိရပါတယ်။
ဖမ်းမိတဲ့ တရားမ၀င် မြန်မာအလုပ်သမားတွေကို မြန်မာနိုင်ငံကို ပြန်လွှဲပြောင်းပေးဖို့ နှစ်နိုင်ငံ အစိုးရတွေက သဘောတူထားတာဖြစ်ပါတယ်။
၂၀၁၇ ခုနှစ် ဇွန်လကစပြီး ဒီနှစ် ဇူလိုင်လဆန်းအထိဆိုရင် ပြန်ပို့ခံရတဲ့ မြန်မာလုပ်သား ၉ သောင်း နီးပါး ရှိနေပြီလို့ ဦးတင်လှိုင်ရဲ့ ပြောပြချက်အရ သိရပါတယ်။
RFA Burmese
0 comments:
Post a Comment