သံဖြူဇရပ်မှာ ကျူးကျော်တွေကို ဖယ်ဖို့စီစဉ်

.

play

၁၀ ရက်အတွင်း ဖယ်ရှားပေးဖို့ညှိနှိုင်းတာ သဘောတူညီမှုရခဲ့ပါတယ်။သံဖြူဇရပ်မြို့လယ်ကို တွေ့ရစဉ်။

သံဖြူဇရပ်မြို့က လမ်းမကြီး သုံးခုပေါ်မှာရှိတဲ့ ကျူးကျော်ဈေးဆိုင်နဲ့ နေအိမ်ခြောက်ဆယ်ကျော်ကို ၁၀ ရက်အတွင်းဖယ်ရှားပေးဖို့ မြို့နယ်စည်ပင်က ညွှန်ကြားထားတယ်လို့ သိရပါတယ်။
သက်ဆိုင်ရာ ကာယကံရှင်တွေနဲ့ မနေ့က တွေ့ဆုံပြီး ၁၀ ရက်အတွင်း ဖယ်ရှားပေးဖို့ညှိနှိုင်းတာ သဘောတူညီမှုရခဲ့တယ်လို့ သံဖြူဇရပ်မြို့နယ် စည်ပင်သာယာရေးကော်မတီ ဥက္ကဌ  ဦးမင်းလတ်က ပြောပါတယ်။
"လမ်းကျူး၊ ပလက်ဖောင်းကျူးဖြစ်နေတဲ့ အိမ်ဆိုင်တွေအားလုံးကို ကျနော်တို့ဆွေးနွေးလိုက်တာပေါ့၊ သူတို့က လိုလိုလားလားပဲ၊ တချို့ဆိုရင် တန်ဖိုးကုန်ကျစရိတ် များများနဲ့ လုပ်ထားတာတွေရှိတယ်၊ ဒါပေမယ့် သူတို့လုပ်ပေးပါ့မယ်၊ ရှင်းအောင်သာလုပ်ပါ၊ အောင်မြင်အောင်သာလုပ်ပါပေါ့၊ လိုလိုလားလားနဲ့ တုန့်ပြန်ကြတယ်" လို့ ဦးမင်းလတ်က ဆက်ပြောပါတယ်။

သံဖြူဇရပ်မြို့လယ်မှာ ကျူးကျော်ဈေးဆိုင်တွေနဲ့ နေအိမ် ၆၀ ကျော်က စည်ပင်နယ်နိမိတ်ပေါ်ကိုကျော်ပြီး ဆောက်လုပ်ထားလို့ အခုလိုဆောင်ရွက်ရတာလို့လည်း သိရပါတယ်။
ကျူးကျော် ဆောက်လုပ်မှုတွေကြောင့် လမ်းသွားလမ်းလာနဲ့ ကား၊ ဆိုင်ကယ်တွေသွားလာဖို့ အခက်အခဲကြုံနေရပြီး ရေစီးရေလာ မကောင်းတာတွေကြောင့် ဖယ်ပေးဖို့ စီစဉ်ခဲ့တာဖြစ်ပါတယ်။
Source : RFA

..