ထိုင်း-မြန်မာ အလုပ်ခန့်မှုဆိုင်ရာ သဘောတူညီချက်အသစ် လက်မှတ်ထိုးမည်
|
12:29:00 |
No comments |
ထိုင်းနိုင်ငံမှာ မြန်မာရွှေ့ပြောင်း လုပ်သားများ တရားမဝင်လုပ်ကိုင်နေခြင်းကို လျော့ချရန် ဒီသဘောတူညီချက်အသစ်ကို လက်မှတ်ထိုးမှာဖြစ်ပါတယ်။
ဒေါ်အောင်ဆန်းစုကြည်ရဲ့ ထိုင်းနိုင်ငံချစ်ကြည်ရေးခရီးစဉ်အတွင်း နှစ်ဘက် လက်မှတ်ထိုးမယ့် အလုပ်ခန့်ထားမှုသဘောတူညီချက်အသစ်အရ မြန်မာရွှေ့ပြောင်းလုပ်သား များရဲ့
တရားဝင်ရပိုင်ခွင့်များကို မြှင့်တင်ဖော်ဆောင်ပေးနိုင်မယ်လို့ သတင်းစာက ရေးသား ဖော်ပြပါတယ်။
ထိုင်းနိုင်ငံရဲ့ တည်ဆဲဥပဒေပြဋ္ဌာန်းချက်များအရ မြန်မာရွှေ့ပြောင်းလုပ်သား များဟာ အလုပ်လုပ်ခွင့်ပါမစ် သက်တမ်းကုန်ဆုံးပါက အလုပ်လုပ်ခွင့်ပါမစ် ပြန်လည်ရရှိရန် စောင့်ဆိုင်း ကာလအဖြစ် ၃ နှစ်သတ်မှတ်ထားပါတယ်။
အခုလက်မှတ်ရေးထိုးမယ့် ထိုင်းနိုင်ငံနှင့် မြန်မာနိုင်ငံကြား အလုပ်ခန့်ထားမှုဆိုင်ရာ သဘောတူညီချက်အသစ်အရ စောင့်ဆိုင်းကာလအား ၃ နှစ်မှ ရက် ၃ဝ သို့ လျော့ချသတ်မှတ်သွားမှာလည်း ဖြစ်ပါတယ်။
ဒါ့အပြင် ဒေါ်အောင်ဆန်းစုကြည်ရဲ့ ထိုင်းခရီးစဉ်အတွင်း လုပ်ငန်းခွင်ဆိုင်ရာ နားလည်မှု စာချွန်လွှာတရပ်ကိုလည်း နှစ်ဘက် လက်မှတ်ရေးထိုးကြမှာ ဖြစ်ပါတယ်။
အဲဒီ နားလည်မှုစာချွန်လွှာအရ ပညာရပ်ဆိုင်ရာပူးပေါင်းဆောင်ရွက်မှုများနှင့် လုပ်ငန်းခွင်ဆိုင်ရာ ကျွမ်းကျင်မှုသင်တန်းများအား ဖော်ဆောင်လုပ်ကိုင်သွားမှာ ဖြစ်ပါတယ်။
နိုင်ငံတော်အတိုင်ပင်ခံပုဂ္ဂိုလ်ဟာ ဇွန် ၂၃ ကနေ ၂၅ ရက်အထိ ၃ ရက်ကြာ ထိုင်းနိုင်ငံကို ချစ်ကြည်ရေးခရီးသွားရောက်မှာဖြစ်ပြီး ခရီးစဉ်အတွင်း ထိုင်းဝန်ကြီးချုပ်နဲ့ တွေ့ဆုံဆွေးနွေးမှာ ဖြစ်ပါတယ်။
....
0 comments:
Post a Comment