ထိုင်းအစိုးရက အလုပ်ရှင်လိပ်စာနဲ့လုပ်ငန်းတည်နေရာကန့်သတ်မှု

ကို ဖြေလျော့ပေးလိုက်ပြီ။

ဒီအကြောင်းအရာနဲ့ပတ်သက်ပြီး ရေကြည်ရာကနေ မြန်မာနိုင်ငံလုံးဆိုင်ရာအလုပ်သမားသမဂ္ဂအဖွဲ့ချုပ်(CTUM) ရွှေ့ပြောင်းအလုပ်သမားဌာနက ထိုင်းတာဝန်ခံ ကိုကျော်မြင့်ကို မေးမြန်းထားပါတယ်။

သူ့အနေနဲ့ ထိုင်းမှာရှိတဲ့ ရွှေ့ပြောင်းအလုပ် သမားတွေကို အသိပညာမြှင့်တင်ပေးဖို့နဲ့ ကာကွယ်စောင့်ရှောက်ပေးဖို့တာဝန်ယူထား
တာဖြစ်ပါတယ်။

မေး-ထိုင်းနိုင်ငံမှာ အလုပ်ရှင်လိပ်စာနဲ့လုပ်ငန်းတည်နေရာကန့်သတ်မှုကို ထိုင်းအစိုးရဖြေလျော့ပေး လိုက်ပြီလို့သိရတယ်။ အဲဒါက ဟုတ်ပါသလား။

ဖြေ- ဟုတ်ပါတယ်။

မေး - အဲဒါကမြန်မာရွှေ့ပြောင်းအလုပ်သမားတွေကော အကျုံးဝင်ပါသလား။ ဘယ်နေ့က ထုတ်ပြန်လိုက်တာပါလဲ။
ဖြေ - အကျုံးဝင်ပါတယ်။ မေလ(၂)ရက်နေ့က ထိုင်းအစိုးရက ထုတ်ပြန်ကြေညာလိုက်တာဖြစ်ပါတယ်။

မေး - အဲဒီဖြေလျော့မှုကို အလုပ်သမားတွေအနေနဲ့ ဘယ်နေ့ရက်ကစပြီးခံစားခွင့်ရမှာလဲ။
ဖြေ - ဇူလိုင်လ (၁) ရက်နေ့ကစပြီးခံစားခွင့်ရမှာဖြစ်ပါတယ်။

မေး - အလုပ်ရှင်နဲ့အလုပ်သမားကြားမှာ ဒီကိစ္စက ဘယ်လောက်ထိအရေးပါသလဲ။
ဖြေ - ဒီဖြေလျော့မှုက အလုပ်ရှင်အလုပ်သမား ၂ ဘက်လုံးအတွက် အရေးပါပါတယ်။ ယခင်က အရေးယူမှုအပိုင်းတွေက ပြင်ထန်းပါတယ် ယခုကလျော့ပေါ့ပေးလိုက်တာတွေ့တယ်။

မေး - ဒီဖြေလျော့မှုကို ဘယ်လိုအလုပ်သမားတွေ ခံစားခွင့်ရှိတာလဲ။ အားလုံးလား ဒါမှမဟုတ် ဘယ်လိုလုပ်ငန်းခွင်အမျိုးအစားက အလုပ်သမားကပဲ ခံစားခွင့်ရှိတယ်ဆိုတာမျိုးကန့်သတ်ထား တာရှိသလား။
ဖြေ - အလုပ်သမားအားလုံး ခံစားခွင့်ရှိပါတယ်။

မေး- ဒီလိုလုပ် ပေးလိုက်တာက အလုပ်သမားတွေအတွက် အရင်ကထက် ဘာတွေကောင်းသွားသလဲ။
ဖြေ - ယခင်က ၀ပ်ပါမစ်ပါ လိပ်စာမှာဘဲနေထိုင်ရတယ်၊ ဇူလိုင်လ(၁)ရက်နေ့ကစပြီး မိမိနှစ် သက်ရာ နေရပ်လိပ်စာမှာနေထိုင်ပြီး အလုပ်ရှင်ထံသွားရောက်လုပ်ကိုင်နိုင်မှာဖြစ်ပါတယ်။ နောက် တချက်ကတော့ အလုပ်ရှင်ရဲ့ဘယ်လုပ်ငန်းခွင်မဆို အလုပ်သမားက သွားရောက် လုပ်ကိုင်နိုင်မှာဖြစ်တယ်။ ဆိုလိုတာက အလုပ်ရုံက ခရိုင်မတူလဲရတယ် ဒါပေမဲ့ အလုပ်ရှင် နာမည်တော့တူရပါမယ်။ နောက်တချက်က အလုပ်ရှင်က အလုပ်သမားများထံမှ မလိုအပ် ဘဲ ငွေ ကြေးပိုမိုကောက်ခံခွင်မရှိတော့ပါဘူး။

မေး - အေဂျင်စီတွေနဲ့တရားဝင်သွားတဲ့အလုပ်သမားတွေကော ဒါကို ခံစားခွင့်ရှိပါသလား။
ဖြေ - ဟုတ်ကဲ့ရှိပါတယ်။ ထိုင်းနိုင်ငံကိုရောက်ရှိ အလုပ်လုပ်ကိုင်နေတဲ့ အလုပ်သမားအားလုံးဟာ တန်းတူ အခွင့်အရေးခံစားခွင့်ရှိပါတယ်။

မေး - သူတို့တွေကော ကိုယ်ကြိုက်တဲ့အလုပ်ရှင် ၊ နေရာတွေကို ပြောင်းလို့ရပါသလား။
ဖြေ - အလုပ်ရှင်ပြောင်းလဲလုပ်ကိုင်လိုပါက အောက်ပါ သတ်မှတ်ချက် တစ်ရပ်ရပ်နှင့် ကိုက်ညီမှသာ ပြောင်းလဲ လုပ်ကိုင်နိုင်ပါတယ်။
- လုပ်ငန်းပိတ်သိမ်းခြင်း။
- အလုပ်ရှင်ကွယ်လွန်ခြင်း။
- အလုပ်ရှင်က အလုပ်ပြောင်းခွင့်ပြုခြင်း။
- အလုပ်ရှင်မှ ဥပဒေကို မလိုက်နာခြင်း။
- လုပ်ငန်းခွင်သည် အလုပ်သမား၏ ကျန်းမာရေးကို ထိခိုက်ခြင်း (စိတ်ပိုင်းဆိုင်ရာ/ ရုပ်ပိုင်းဆိုင်ရာ)

မေး-ဒီခံစားခွင့်ပြဌာန်းချက်နဲ့ပတ်သက်ပြီး ထိုင်းအစိုးရက ပြစ်ဒဏ်တွေဘာတွေသတ်မှတ်ထားတာ မျိုးရှိပါသလား။
ဖြေ - အလုပ်သမားအနေနဲ့ ဥပဒေကို ချိုးဖောက်ခဲ့ရင် ငွေဒဏ် ၅ ထောင်မှ ၅ သောင်းဘတ် ထက်မကျော်တဲ့ ပြစ်ဒဏ်နဲ့
- အလုပ်ရှင်အနေနဲ့ ခွင့်ပြုချက်မရှိဘဲ အလုပ်သမားတစ်ဦးဦးကို အလုပ်ခန့်ခဲ့ရင် ဘတ် ၁ သောင်းမှ ၁ သိန်းထက်မကျော်တဲ့ ပြစ်ဒဏ်ဖြစ်ပါတယ်။ အကြိမ်ကြိမ်ကျူးလွန်တဲ့ အလုပ်ရှင်အနေနဲ့ကတော့ အလုပ်သမားတစ်ဦးအတွက် တစ်နှစ်ထက်မပိုတဲ့ ထောင်ဒဏ်နဲ့ ငွေဒဏ်က ဘတ်ငွေ ၅ သောင်းမှ ၂ သိန်းထက်မပိုတဲ့ ပြစ်ဒဏ်ဖြစ်ပြီး အလုပ်သမားဌားရမ်းခွင့် (၃) နှစ် ပိတ်ခံရမှာဖြစ်ပါတယ်။

မေး - ထိုင်းနိုင်ငံမှာရှိတဲ့ မြန်မာရွှေ့ပြောင်းအလုပ်သမားတွေအနေနဲ့ ဒီကိစ္စနဲ့ပတ်သက်ပြီး တစ်ခုခု အကူညီတောင်းခံချင်တာရှိရင် ဘယ်ကိုဆက်သွယ်ရမလဲ။
ဖြေ - အဓိကကတော့ မြန်မာသံရုံး အလုပ်သမားသံအရာရှိရုံးဖြစ်ပါတယ်။
ဆက်သွယ်ရမဲ့ ဖုန်းနံပါတ်များကတော့ - ၀၉၄၈၈၄၅၄၈၄/ ၀၉၉၀၅၉၂၃၅၂/ ၀၆၅၂၂၀၆၉၅၁ / ၀၆၅၂၂၀၆၉၅၂ / ၀၆၅၂၂၀၆၉၅၃
CTUM အနေနဲ့ကတော့ ကျွန်တော့်ဖုန်းနံပါတ်က - (၀၈၃ ၁၆၀၅ ၁၃၄) ပါ။

မေး - ဒီအကြောင်းအရာနဲ့ပတ်သက်ပြီး ဖြည့်စွက်ပြောချင်တဲ့အရာများရှိပါသလား။
ဖြေ- အလုပ်သမားတွေအနေနဲ့ ထိုင်းအစိုးရက ဥပဒေတွေ အထိုက်အလျောက်လျော့ပေါ့ ပေးတော့မယ် ဆိုပေမဲ့ ကိုယ့်ဘက်က ဥပဒေနဲ့အညီ နေထိုင် လုပ်ကိုင်ဖို့လိုပါတယ်၊ အထောက်အထားစာရွက်စာတမ်းတွေကိုလဲ ပြည့်စုံစွာ လုပ်ထားဖို့ ကိုင်ဆောင်ထား ဖို့လိုပါတယ်။ သက်ဆိုင်ရာနိုင်ငံရဲ့ စည်းမျဉ်းစည်းကမ်းနဲ့ အညီနေထိုင် လုပ်ကိုင် မယ်ဆိုရင် မိမိတို့ရဲ့ ရည်းမှန်းချက်တွေ အမြန်ဆုံးပြည်စုံပါလိမ့်မယ်

https://www.facebook.com/LabourHittaimm/posts/454434721655665