လောက်ကိုင်ဒေသတပ်မတော်သားများအတွက် ရခိုင်ပြည်နယ်မှ ကျပ်သိန်း ၁၅၀၀ ကျော် လှူဒါန်း

စံမောင်သန်း

(စစ်တွေ) ဖေဖေါ်ဝါရီ ၁၉

တရုတ်ပြည်နယ်စပ်အနီးရှိ ကိုးကန့်ကိုယ်ပိုင် အုပ်ချုပ်ခွင့်ရဒေသ လောက်ကိုင်မြို့ပေါ်တွင် ဖြစ်ပွားခဲ့သော တိုက်ပွဲများ အတွင်း ကျဆုံး ထိခိုက်ဒဏ်ရာရရှိခဲ့သော မြန်မာ့တပ်မတော်မှ ရဲဘော်များနှင့် ကျန်ရစ်သူ မိသားစုများအတွက် ငွေကြေးလှူဒါန်းပွဲ အခမ်းအနားတရပ်ကို ရခိုင်ပြည်နယ်အစိုးရက ကြီးမှူး၍ စစ်တွေမြို့ ဦးဥတ္တမ ခန်းမတွင် ဖေဖေါ်ဝါရီလ ၁၉ ကျင်းပ ပြုလုပ်ခဲ့သည်။

ယင်းအခမ်းအနားတွင် ရခိုင်ပြည်နယ်မှ ကျပ်သိန်း ၁၅၄၁ ကို ပေးအပ်လှူဒါန်းခဲ့သည်။

ယင်းအခမ်းအနားသို့ ရခိုင်ပြည်နယ်ဝန်ကြီးချုပ်၊ ပြည်နယ် အစိုးရ ၀န်ကြီးများ၊ အနောက်ပိုင်းတိုင်းမှူး ဗိုလ်ချုပ် အောင်လင်းဒွေး အပါအ၀င် တပ်မတော်မှ အရာရှိများ၊ လွှတ်တော်အမတ်အချို့နှင့် ဒေသခံ ပြည်သူ  ၂၀၀ ကျော်

တက်ရောက်ခဲ့သည်။

ယခုအခမ်းအနားမှာ တိုင်းပြည်အတွက် အသက်ပေးလှူသွားသော စစ်သည်များ၏ ကျန်ရစ် မိသားစုများနှင့် တာဝန်ထမ်းဆောင်စစ်သည်များအား ဂုဏ်ပြုထောက်ပံ့သော အခမ်းအနား ဖြစ်ပါကြောင်း ရခိုင်ပြည်နယ် ၀န်ကြီးချုပ်က ပြောကြားသည်။

မြန်မာ့တပ်မတော်အနေဖြင့် ငြိမ်းချမ်းရေးကိုလိုလားပြီး တိုင်းရင်းသားလက်နက်ကိုင် အဖွဲ့အစည်းများနှင့် ထာဝရ ငြိမ်းချမ်းရေးတည်ဆောက်နိုင်ရန် အစွမ်းကုန်ကြိုးပမ်းဆောင်ရွက်နေစဉ် ယခု တိုက်ခိုက်မှု ပေါ်ပေါက်လာကြောင်း အနောက်ပိုင်းတိုင်း စစ်ဌာနချုပ်တိုင်းမှူးက ပြောကြားခဲ့သည်။

ဖေဖေါ်ဝါရီလ ၉ ရက်နေ့မှ ၁၂ ရက်နေ့ထိ ဖြစ်ပွားခဲ့သော လောက်ကိုင်ဒေသတပ်ပွဲတွင် မြန်မာ့တပ်မတော်မှ အရာရှိ ၅ ဦး၊ စစ်သည် ၄၂ ဦး အသက်ပေးခဲ့ရပြီး၊ အရာရှိ ၁၁ ဦးနှင့် စစ်သည် ၆၂ ဦး ဒဏ်ရာရရှိခဲ့သည်ဟု တိုင်းမှူးက ကျေးဇူးတင်စကား ပြောကြားရာတွင် ထည့်ပြောကြားခဲ့သည်။
Posts bY:  http://www.narinjara.com/burmese/?p=13766&utm_source=feedburner&utm_medium=feed&utm_campaign=Feed%3A+NarinjaraNews+%28Narinjara+News+Online%29