မြန်မာကလာသော စိတ်ကြွရူးသွပ်ဆေးပြား ၅ သန်း စစ်တကောင်းတွင် ဖမ်းမိ
|
09:29:00 |
No comments |
ကော့စ်ဘဇား၊ မေ ၁၄
မြန်မာနိုင်ငံ အနောက်ဘက် နယ်စပ်နှင့် ကပ်ရပ်တည်ရှိသော စစ်တကောင်းမြို့တွင် မြန်မာမှ တင်သွင်းလာသည်ဟု ဆိုသော စိတ်ကြွရူးသွပ်ဆေးပြား ၅ သန်းကို အထူးမှုခင်းနှိမ်နှင်းရေးတပ်ဖွဲ့ ( Rapid Action Battalion) ငါးဖမ်း သင်္ဘော တစ်စီးပေါ်မှ ဖမ်းမိခဲ့သည်။
မေလ ၁၃ ရက် ဗုဒ္ဓဟူးနေ့က စစ်တကောင်း ဆိပ်ကမ်းတွင် ဆိုက်ကပ်ထားသော Ena ဟု အမည်ရသော ငါးဖမ်းသင်္ဘောပေါ်သို့ တက်ရောက် ရှာဖွေစဉ် ယင်းအရေအတွက်များပြားသော ယာဘား စိတ်ကြွရူးသွပ်ဆေးပြားများကို ဖမ်းဆီးမိခဲ့သည်ဟု ဘင်္ဂလာရဲတပ်ဖွဲ့က မီဒီယာများသို့ ထုတ်ဖော်ပြောဆိုသည်။
ယင်းယာဘားဆေးပြားများနှင့် ဆက်စပ်ကာ လူ ၇ ဦးကိုလည်း ရဲကဖမ်းဆီးလိုက်သည်ဟု သိရသည်။ အထူးမှုခင်းရဲတပ်ဖွဲ့ အမှတ် (၇) ဒါရိုက်တာ ဖြစ်သူ ဗိုလ်မှူးကြီး မီပါတာ အာမတ် ( Miphata Ahmed) က ယင်းဖမ်းဆီးရမှုကို အတည်ပြုပြီး သတင်းအရ ယင်းငါးဖမ်းသင်္ဘောကို ၀င်ရောက်စီးနှင်းစဉ် ဖမ်းဆီးရမိခဲ့သည်ဟု ဆိုသည်။
ယခု ဖမ်းဆီးရမိသော ဆေးပြားပမာဏ ၅ သန်းသည် အများဆုံးအရေအတွက် ဖြစ်ပြီး မြန်မာနိုင်ငံက ယူဆောင်လာသည်ဟု ပြောသည်။
0 comments:
Post a Comment