ဆုတောင်းရေ

ရမ်းဗြဲမာန်အောင် ကျောက်ဖြူသံတွဲ
စနဲရွာ ခေါ်သည်ရပ်မှာ
စောမဲကျီ တည်ရေဓါတ်ကို
ဖူးကတ်ခီမည် --။
ဆီမီးတတိုင် နှစ်ယောက်ကိုင်
ပျိုင်တပေါက်မှာ
နှစ်ယောက်ထိုင် တူပြိုင်ညှိလို့
ဆုတောင်းကတ်မည် --။
ဆုမကောင်း
ဖျက်တောင်းကတ်မည် --။
ပန်းမစင်
ဖျက်တင်ကတ်မည် --။
မကောင်းကြံ ဖီးရန်မှုကို
ပြုခလို့လား --။
ပန်းမစင်
တင်ခလို့လား --။
ဆုမကောင်း
တောင်းခလို့လား --။
ငှက်မောင်နှံ ပျံကာဝဲ
ကျိမ်ဆဲလို့လား --။

သူ့ရည်းစား
ခွဲခလို့လား --။
သနားဖွယ် ပုချေမေနှင့်
ဒေဘဝေ ဒေဘ၀မှာ
မပေါင်းရကေ
နောင်ဘဝေ နောင်ဘ၀မှာ
ပေါင်းရလီယောင်
မြတ်စိန္တေ ထံတော်ပါးမှာ
ဆုတောင်းရေ --။
(ရမ်းဗြဲကျွန်းမှ ဇမ်းကဗျာ)