ရခိုင်စာပီ နန့် ရခိုင်အက္ခရာကွဲပြားပုံ

Date/ 29.2.2016
Time : 18:00:18:00
Dj   . Mg Zin Myo
မောင်္ဂလာပါ အေတစ်ပါတ်မှာ ရခိုင်သားတိ အငြင်းပွားနီဂတ်တေ ရခိုင်စာပီနန့် ရခိုင်အက္ခရာ အကြောင်းကို တစိချေလောက် ယှင်းပြလားဖို့ ဖြိုက်ပါရေ ..အေ ပို့ကိုတော့ internationalarakanesestudentmonks ဘလော့က  က August 12, 2009 နိမှာ တင်ထားရေ ပို့ကို အားပီး နားထောင်နီ ဂတ်တေ ပရိတ်သရို့ကို ပြန်လို့ မျှဝီပီးရခြင်းဖြိုက်ပါရေ… အပြည့်အစုံကိုဒေနိမှာ ပြန်ပြင်တင်ီးလိုက်ပါရေ ..

 ရခိုင်စာပီလို့ ပြောလိုက်ကေ ကွိကွိချေ ကောက်ကောက်ချေ အက္ခရာတိကို ပြီးပနာမြင်တတ်ကတ်စွာက ရခိုင်သားတိ အလေ့အကျင့်ဖြစ်နီယာ။ အက္ခရာနန့် စာပီမတူဆိုစွာကို သတိထားရေလူ က နည်းရေ။ ယင်းအတွက် ဇာမာလဲ ရခိုင်စာပီ ဗမာအက္ခရာနန့်ချည်းဗျယ် ရီးနီကတ်တေဂါးလို့ တစ်ချို့က ပြောကတ်ပန်ယာ။ ယေခါ အရာတစ်တိုင်က မဟုတ်ဝေး ဒေချင့်စွာ ရခိုင်စာလို့ တုန့်ပြန် ကတ်တေ။ ရယ်ဖို့လေ့ကောင်းယင့်။ ဇာပိုင်ပင်ပြောပြော အေဂုရိုက်ပြနီရေ အက္ခရာကို ရခိုင်က ဗမာထက်စောပနာ သုံးနီခစွာဒေါ့ခါ ငြင်းမလွတ် အမှန်။ ယေဒါလေ့ ဇော်ဂျီဖောင့်ကို ဗမာတိက တီထွင်ပစ်ကတ်တေအတွက် ဒေချင့်စွာ ဗမာအက္ခရာဆိုကေလေ့ အကျွန်ုပ် မငြင်းပါ။ အေနီရာမာ ပြောချင်စွာက အက္ခရာနန့် စာပီမတူစွာကို ပြောချင်စွာ။ အိန်းဂလိခ်ျမာ အက္ခရာကို Alphabet (အောက်လ်ဖေလ်ဘက် ) လို့ခေါ်ရေ စာပီကို Literature (လက်တီသျှာ) လို့ခေါ်ရေ။ ဒေချင့်နှစ်ခုက မတူ။ အက္ခရာဆိုစွာ စာပီမဟုတ်၊ စာပီဆိုစွာ အက္ခရာ မဟုတ်။ မတူကေလေ့ ခွဲပစ်လို့မရ၊ ဒေချင့်နှစ်ခုကိုပေါင်းမရာ စာပီတစ်ခု ရုပ်လုံးပေါ်ဖို့။ Alphabet အက္ခရာဆိုစွာ Language (လန်းဂွေ့)ဆိုရေ ဘာသာစကားတစ်ခုက ပေါက်ဖွားလာရေ Literature (လက်တီသျှာ)  စာပီကို မှတ်တမ်းတင်ထားဖို့  အိန်းဂလိခ်ျမာ  ဝေါဟာရနန့် Symbol (ဆင့်(စ်)ဗို)သင်္ကေတတိ ဖြစ်ကတ်တေ။ ယင်းအတွက် လူမျိုးအများကြီး နိုင်ငံတိအများကြီးက အက္ခရာတစ်ခုတည်းကို သုံးနီကတ်ကေလေ့ စာပီကမတူ အခြားအခြားစီရာ။ Latin (လက်တင်) သို့မဟုတ် Roman (ရုံမန်) လို့ခေါ်ရေ အက္ခရာကို
တစ်ကမ္ဘာလုံးသုံးနီကတ်တေ၊ Roman အက္ခရာကို အသုံးပြုနီကတ်တေ နိုင်ငံတိကို အမေရိက၊ ယူရို၊ အာယှ၊ အာဖရိက နီရာတိုင်းမာ တွိနိုင်ရေ။ နိ့စိုင်ပြောဆိုနီကတ်တေ အိန်းဂလိခ်ျဘာသာစကားကိုလေ့ Roman အက္ခရာနန့် ရီးထားစွာဗျယ်။ အိန်ဂလန်၊ အမေရိကန်၊ ပြင်သစ်၊ အီတလီရို့တိမာ Roman အက္ခရာကိုသုံးရေ။ ဒေကေလေ့သော့ English Literature ရေ Italian Literature (အက်ချာလီယမ် လက်တီသျှာ) မဟုတ်။ အင်္ဂလိပ်စာပီဆိုစွာက အင်္ဂလိပ်လူမျိုး နှလုံးသားနန့် ခံစား၊ ရှာဖွီပနာ သိဟိနားလည် သဘောပေါက်ထားရေ အကြောင်းအရာတိကို အင်္ဂလိပ်ဘာသာစကားနန့် ရီးထားစွာကို ဆိုလိုရေ။ အီတလီစာပီဆိုစွာလေ့ ယပိုင်ဗျယ် အီတလီလူမျိုးရို့ နှလုံးသားနန့် ခံစားထားရေ ခံစားချက်တိ တွိဟိချက်တိ ပညာရပ်တိကို အီတလီဘာစကားနန့် မှတ်တမ်းတင်ထားရေ စာပီကို အီတလီစာပီလို့ခေါ်ရေ။ ယင်းအတွက်နန့် အက္ခရာတစ်ခြား စာပီတစ်ခြား။ မလေးယှား၊ အိန်ဒိုနီးယှားရို့မာလေ့ Roman အက္ခရာကိုသုံးရေ၊ လူအများစုက Roman အက္ခရာလို့ မသိကတ်၊ အိန်းဂလိခ်ျ အက္ခရာထင်နီကတ်တေ။ ထင်ချင်ပိုင်ထင် အိန်းဂလိခ်ျစာပီရေ မလေးယှား စာပီမဟုတ်စွာကဒေါ့ခါ သေချာရေ။ မဟုတ်ထင်ကေ သေသေချာချာ ပြန်စိုင်းစားကြည့်။ အေနိ့ရခိုင်အက္ခရာနန့် ဗမာအက္ခရာ တူချင်ပိုင် လူလီပတ်စီ၊ ရခိုင်ဘသာစကားနန့် ရီးရေစာသည်သာလျင် ရခိုင်စာပီဖြစ်တေ။ ဗမာပိုင်ရီးထားစွာရေ ရခိုင်စာပီမဟုတ်။ ယကေ ရခိုင်မာ စာပီဟိလား လို့ မိန်းချင်ရေလူတိ ဟိချင်ဟိကတ်ဖို့၊ ဟိရေ ဇာတိလေ့ သိန်ကန်မီ ရွှန်းလိုက်ရတု၊ မေဓပညာ မော်ကွန်း၊ ရခိုင်မင်းသမီးဧည့်ချင်း၊ တန်ခိုးဆရာထွန်းသာခြင်းတိရေ ရခိုင်စာပီတိဖြစ်ကတ်တေ။ သျှိက်စပီးယားရီးရေ ပြဇာတ်တိ အင်္ဂလိပ်စာပီမာ အရေးကြီးရေပိုင် အေထက်မာဖော်ပြခရေ ကဗျာ၊ လင်္ကာ၊ ဧည့်ချင်း၊ သာခြင်းတိကလေ့ ရခိုင်သူရခိင်သားတိ ရခိုင်စာပီအတွက် သျှိက်စပီးယား လက်ရာတိထက် တန်ဖိုးကြီးရေဆိုစာကို ပြောချင်ပါရေ။ နိဂုံးချုပ်အနီနန့်ပြောရဖို့ဆိုကေ ဗမာနန့်အက္ခရာတူခြင်း မတူခြင်းရေ ရခိုင်စာပီအတွက် အရေးကြီးရေ အရာတစ်ခုမဟုတ်ပဲ ရခိုင်ဘာသာစကားနန့် ရီးသားခြင်းရာ ရခိုင်စာပီအတွက် အဓိကလိုအပ်ချက်ဖြစ်တေ။ ယင်းအတွက်နန့် ရခိုင်ဘုန်းကြီး ရခိုင်သား ရခိုင်သမတိ ရခိုင်ဘာသာစကားနန့် စာတိအများကြီး ရီးနိုင်ကတ်ပါစီ။ ရခိုင်စာပီတိုးတက်ပါစီလို့ ဆန္ဒပြုလျက် #တောဘုန်းကြီး

ဟုတ်ပါရေ အေ ပို့ကိုတော့ internationalarakanesestudentmonks ဘလော့က  က August 12, 2009 နိမှာ တင်ထားရေ ပို့ကို အားပီး နားထောင်နီ ဂတ်တေ ပရိတ်သရို့ကို ပြန်လို့ မျှဝီပီးရခြင်းဖြိုက်ပါရေ…
ဒေအကြောင်းအရာနဲ့ ပါတ်သက်လို့ ကျနော် ပြောဆိုရေ စကားလုံးချေတ် တစ်စိချေလောက် လွဲလျှော်မှုတိ ဟိခကေ နားလည်ခွင့်လွှတ်ပနာ အားပီးနားထောင်ဂတ်ပါလို့ တောင်းပန်ပါယင့် . ကျေးဇူးတင်ပါရေ ..
ဒီက နားထောင်ရန်းးး .......
=======================================================


=======================================================

soundcloud Link

ညဇာသား ထိုင်းစံတော်ချိန် ၅ နာရီကနီလို့ ၆ နာရီအထိ FM 102.50 MHz မှာ ဖမ်းယူထားထောင်နိုင်ရေပိုင် .. အဝီးက အမျိုးရို့ အတွက်လည်း Radio Online မှာ လားလို့ နားထောင်နိုင်ပါရေ ..
Computer သမားများ အတွက်
=====================
http://www.mapradio.org/mapms/radio-online.html
-------------------------------------------------------------
 Android ဖုန်းများ နားဆင်နိုင်ရန် Playstore မှာ MAP Radio 102.50 ရိုက်ထည့်ကာ ရှာနိုင်ပါတယ်...ဒါမှ မဟုတ် အောက်က လင့် မှာ သွားဒေါင်းနိုင်ပါတယ် ..
---------------------------------
https://play.google.com/store/apps/details?id=com.map.radio1025

နောက်ပြီး playstore မရှိသူများ အတွက် mediafire link ကိုပါ ပေးထားပါတယ် အောက်မှာယူပါ
မဲဆောက်က MAP ရေဒီယိုနားထောင်ဖို့ အတွက်. mediafire

http://www.mediafire.com/download/7e570kn52r1v2w7/MAP+Radio+Fm+102.5+Mhz.apk

I Phone သများတွေကတော့ အောက်ကလင့်မှာ နားဆင်နိုင်ပါတယ်..
----------------------------------------------------
http://tunein.com/radio/MAP-Radio-s190030/